2025 жылғы 17 қазан күні С.Ж. Асфендияров атындағы Қазақ ұлттық медицина университетінің Маншүк Мәметова атындағы аудиториясында Ғылыми кітапхананың ақпараттық-әдістемелік бөлімі ұйымдастырған Дадамбаев Еділ Тайтулеұлына арналған көрме өткізілді.
Көрменің мақсаты:
С.Ж. Асфендияров атындағы ҚазҰМУ студенттері мен қызметкерлерін Дадамбаев Еділ Тайтулеұлының өмірі, шығармашылығы және кәсіби жетістіктерімен таныстырып, жас ұрпақты медицина саласында дамуға және өзін-өзі жетілдіруге шабыттандыру, сондай-ақ аса көрнекті тұлғаның есімін сақтап, құрмет көрсету.
Дадамбаев Еділ Тайтулеұлы – профессор, дарынды педагог, барша құрметтейтін ғалым, медицина ғылымдарының докторы.
Еділ Тайтулеұлы өте тұтас тұлға болып, әділ және парасатты адам болған.
Профессор Дадамбаев Е.Т. медициналық ағарту саласындағы жемісті қызметімен қатар, ғылыми жұмыстармен табысты айналысты. Ол 510-нан астам ғылыми еңбектің, төрт өнертабыстың және практикалық денсаулық сақтау үшін арналған тоғыз рационализаторлық ұсыныстың авторы болып табылады. Оның жетекшілігімен шамамен жиырма кандидаттық және докторлық диссертация қорғалды. 2002-2005 жылдары ҚР БҒМ БАК педиатрия мамандығы бойынша сарапшы болды.
Медицина студенттері үшін алғашқы қазақ тіліндегі педиатрия оқулығы (1991 ж.) және педиатр дәрігерлерге арналған анықтамалығы (1996 ж.) де оған тиесілі.
Дадамбаев Е.Т. – ТМД елдерінде «Амбулаториялық-поликлиникалық педиатрия» пәні бойынша алғашқы оқулықтың (орыс және қазақ тілдерінде) авторы, ол медициналық оқу орындарының студенттеріне арналған. Амбулаториялық-поликлиникалық педиатрияның екінші басылымы 2014 жылдың IV тоқсанында («Эверо» баспасы) жарық көрді.
Профессор Дадамбаев Еділ Тайтулеұлы берік принциптері бар тұлға болды, өзінің тұтас азаматтық ұстанымы, ғылымға, білімге және дәрігерлік мамандыққа ерекше адалдығы арқасында ол соңына дейін педиатрия және балалар денсаулығын ұйымдастыру саласында танылған ғалым болып қалды.
