2024 жылғы 8 қарашада С.Ж. Асфендияров атындағы ҚазҰМУ профессоры Жауғашты Байназарұлы Ахметовтың 80 жылдығы және С.Р.Қарынбаев атындағы анатомия кафедрасының доценті Бауыржан Шәкенұлы Шәкеновтың 70 жылдық мерейтойларына орайластырылған «Терапия саласының қазақша терминдерін біріздендіру мәселелері» атты республикалық терминологиялық конференция өтті.
Конференцияға ҚР ДСМ салалық терминологиялық комиссиясы, терминологиялық саланың мемлекеттік уәкілетті органдары, медициналық ЖОО-лардың, білім беру және ғылыми ұйымдардың оқытушы-профессорлары практик дәрігерлер, жетекші сарапшылар, лингвист-ғалымдар, қоғам қайраткерлері, аудармашылар, әдіскерлер, тіл мамандары, медицина терминдерінің жанашырлары конференицияға қатысты.
Ғылыми кітапхана Жауғашты Байназарұлы Ахметовтың 80 жылдығы, Бауыржан Шәкенұлы Шәкеновтың 70 жылдығына арнап көрме ұйымдастырды. Көрмеде кітапхана қорындағы ұлағатты ұстаздарымыздың оқулықтар, сөздіктер және ғылыми еңбектері, өмірбаяны, фотосуреттері естеліктер мен сын-мақалалар қойылды.
Көрмеде: терапия саласы бойынша жарық көрген оқу-әдістемелік әдебиеттер, С.Ж.Асфендияров атындағы ҚазҰМУ сот медицинасы курсы бар патологиялық анатомия кафедрасының профессоры, комиссия төрағасының орынбасары Ахметов Жауғашты Байназарұлының еңбектері және С.Ж. Асфендияров атындағы ҚазҰМУ С.Р. Қарынбаев атындағы қалыпты анатомия кафедрасының доценті Шәкенов Бауыржан Шәкенұлының еңбектері көрсетілді.
Көрмеге ұлағатты ұстаздарымыздың өмірі мен еңбектерінен мол мағлұматтар беретін жалпы саны 73 кітап пен газет-журналдар, фотосуреттер қойылды.
