Жаңалық!
2024 жылдың қазан айының 16 күні «Concordia» театрында көрнекті мемлекет қайраткері, ғалым-тарихшы, профессор, Алматы медициналық институтының ұйымдастырушысы және бірінші ректоры С.Ж. Асфендияровтың 135 жылдығына арналған Республикалық ғылыми-практикалық конференциясына Ғылыми кітапхана «Алаштың ардағы» атты кітап көрмесін ұйымдастырды.
Санжар Асфендияровтың өмір жолы мен еңбектері жазылған әдебиеттер мен баспасөз бетінде жарық көрген мақалалары, фотосуреттері көрмеден орын алды. Кітап көрмесімен танысқандар қойылған әдебиеттердерден, құжаттардан Санжар Асфендияров туралы кеңінен мағлұматтар алды.
18 қазан күні Алматы облысының Жаңалық ауылында көрнекті ғалым және дәрігер Санжар Асфендияров мемориалының салтанатты ашылуы өтті. С.Ж. Асфендияров атындағы ҚазҰМУ-нің Ғылыми кітапханасы «Алаштың ардағы» және мұражай қызметкерлері «Тұғыры биік тұлға» атты көрмелер ұйымдастырылып, көпшіліктің назарына ұсынылды.
Мемориалды тақта саяси қуғын-сүргін құрбандары мұражайының аумағында орналасқан. Мемориал табиғи тастан жасалған және оған Асфендияров фотосуреті, қазақтың ұлы ақыны және ойшылы Абай Құнанбаевтың дәйексөзі, сондай-ақ QR-код бейнеленді. QR-кодты сканерлей отырып, Санжар Жаппарұлы туралы мұрағаттық құжаттармен, фотосуреттермен және кітаптармен танысуға болады.
Ғылыми кітапхананың
Анықтама-библиографиялық бөлім
